Warşîne heta nefesê xo yê peyênî peyê raştîye de bîye. Warşîne hema ciwan bîye Amedî ra tewra gerîlayan bîye.

Roportajê xo de Warşîne wina vatbi: ''Embaz û merdimê mi tewrê gerîlayan bîyêne. Prosesê çareserîye de Rayber Apoyî heyetê pêvînayîşî rê vatbi 'Ma bi hawayêkê legalî nêxebitîyene. Eke siba masa birija şima pêro do ceza bigêrê.' Nê vatişan mi rê zaf tesîr kerd. Serra 2014î de ez tewra gerîlayan bîya.''

Ez roja tewrbîyayîşê ci ra nata Warşîne şinasnena. A tim aktîf û bimoral bîye. 20ê nîsana 2019î de ma pîya kewtî rayîr û rojêke ra dima ma yewbînan ra cîya bîyî. 11 mengan ra dima adara 2020î de ma Heftanîn de yewbînî dîyî. Sey verî bicoş bîye, bibî pîlêr, profesyonel.

Şewa 16ê hezîrane de dewleta tirke ya faşîste hêrişê Heftanînî kerd. Roja verêne ya operasyonî Warşîne û Zeryane pê çekêka doçka vera dişmenî 3 rojan şer kerd. Dima zî înan Girê Şehîd Dêrsimî de vera dişmenî şer kerd. 25ê hezîrane de Zeryane şehîd bîye, Warşîne zî sondê qesasî wend.

Warşîne her kesî ra verî şîye cephe, tewr vernî. 27ê hezîrane de ma yewbînan ra xatir waşt. Rojnuşteyê xo da mi û waşt ke eke a şehîd biba ez rojnuşteyê ci rê binusa. La mi şehadetê aye ra di rojî verê cû 6ê tebaxa 2020î de defterî rê zerrîya mi ra çita ameyo nuşt.

Warşîne roja 53. ya operasyonî de 8ê tebaxa 2020î de Pîrbûlaya Heftanînî de şehîd bîye. Warşîne bîye şehîda 35. ya Heftanînî.

Warşîne Avaşîn seba şar û welatê xo şer kerd, seba ke înan bipawa heqê pêro zehmetî û astengîyan ra ameye û peyê xo de reçêko xorin verda.