Serrgêra 106. ya Qirkerdişê Armenîyan de dewleta tirke ya îşxalkere hewa û erdî ra hêrişê Herêmanê Pawitişî yê Medya kerd.

Dima ke Erdogan Serekê Amerîka Bidenî reyde, Wezîrê Karanê Teberî yê Tirkîya Mevlut Çavuşogluyî zî hemmeslegê xo antony Blinkenî reyde û Îbrahîm Kalinî Şêwrimendê Asayîşê Zereyî yê Amerîka Jake Sullivenî reyde qisey kerd hêrişan dest pêkerd.

Pêvînayîşan ra dima artêşa tirke ya îşxalkere hewa û erdî ra hêrişê hêremanê Metîna, Avaşîn û Zapî kerd. Goreyê çimeyan artêşa tirke zimistanî ra amadekarîya hêrişî kerdêne. Goreyê zanayîşan leşkerê 8 tugayanê artêşa îşxalkere Tûgayê Komandoyan ê Kayserî, Colemêrg, Isparta, Sêrt, Şirnexê û xeylêk JOH û POHî tewrê operasyonî bîyî. Yeno vatene ke qoruciyê Colemêrg, Wan, Şirnex, Çewlîg û Amedî zî ameyî berdene bi herême.

Artêşa tirke ya îşxalkere bi mengan o çek û leşkeran sewqê Gever, Çelê û Şemzînana Colemêrgî kena. Ame parekerdene ke başûrê herêmanê Metîna, Zap û Avaşînî de baregehanê Tirkîya yê Amedîyê, Dêralûk û Şeladizê de zî têgêrayîşê leşkerî estê.

Pêvînayîşanê bi Amerîka ra dima teyarayanê şerî, helîkopteran, SÎHAyan dest pê bombardumanêkî kerd û qereqolanê serê sînorî yê Rûbarok, Elomon, Kopkî û Hananîsê herême daye bombayan ver.

Binkewtişê Garê ra dima bi desan teyarayanê şerî, SÎHA, helîkopteran, bi hezaran leşkeran û qoricîyan artêşa tirke ya îşxalkere seferêko  newe yê îşxalî da destpêkerdene la reyna raşte xoverdayîşê gerîlayanê HPG-YJA-Starî ameye.

Artêşa tirke ya îşxalkere wazena qesasê Garê û Zapî bigêra. Artêşa tirke 2008 de Zap de têna 9 rojan eşkaye xo ver bida. Artêşa tirke peyê xo de bi seyan merdeyî û birîndarî verdaybî û neçare mendbi ke xo apey ant.

Şarê kurdî ê rojan de seba binkewtişê artêşa tirke ya îşxalkere vatbi: ''Siwar hatin peya çûn.''