Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

YJA Starî Xantûr de da piro

''Çarçewya Hemleya Şorişgêre ya Cengê Heftanînî de hêzanê ma çalakîyê bitesîrî kerdî. Hêzanê ma yê YJA Starî 9ê êlule de Qilê Muhabere yê Xanturî de  vera îşxalkeran çalakîyêke kerde.  Çalakîya bitesere de yewê înan payeberz 5 leşkerî ameyî cezakerdene û 7 leşkerî zî birîndar bîyî. Badê çalakîye herême bi abus û havanan ameye bombardumankerdene. Reyna çarçewa hemleya şorişgêre de 11ê êlule de Qilê Katosulê yê warê  Bektorya de kepçeyêkê artêşa tirke hedef ame girewtene. Çalakî de kepçe pîya konrayo ke tede bi ame îmhakerdene û dormeyê wesayîtî de leşkerî ameyî cezakerdene û 4 leşkerî zî birîndar bîyî. Badê çalakîye herême bi abus û havanan ameye bombardumankerdene. Nê çalakîyî semedê yadkerdişê gerîlayanê ke Hemleya Şorişgêre ya Cengê Heftanînî de şehîd bîyî, ameyî kerdene.

2 gerîlayî şehîd bîyî

11ê tebaxe de Qilê Şehîd Berxwedanî yê warê Xantûrî yê herêma Heftanînî de çalakîya vera îşxalkeran de hemrayê ma Erîş û Akîf ê ke vera dişmenî bi hawayêkê qehremankî şer kerd,  pêkewtiş û hêrişêhewayî yê ke badê çalakîye qewimîyayî de şehîd bîyî. Zanayîşê nasnameyanê embazanê ma do peyra bêrê eşkerakerdene.

Bombardumanê benê sebebê şewatan

Teyrayanê şerî yê artêşa tirke vera Herêmanê Pawitişî yê Medya hêrişê hewayî kerd. Goreyê nayê;  8ê êlule de dormeyê dewa Bazê yê herêma Metîna û 12ê êlule de Dola Keşanî ya herêma Heftanînî ameyî bombardumankerdene. Reyna şewato ke hewteyêk verê cu dimayê hêrişê vera Heftanînî warê Bektorya de vejîya dewam keno.''