Wan de wargehê dibistane de kesê bi nameyê Y.K. domana 8 serrî re hêrişo cînsî kerd. Dima ke keyeyê domane gerreyê Y.K. kerd hêrişkerî serqoricî Îskender Ertuş vist dewre. Ertuşî û dezayê hêrişkerî Faysal Kiliçî keyeyê mexdûrî rê gef wend ke gerreyê xo apey bigêro. Keyeyî teda û gefan ra dima qezaya Elbakî teriknaye.

Qezaya Elbakî ya Wanî de domana 8 serre Î.G. maruza tacîzê xebatkarê pakîye Y.K.yî bîye. Y.K. (60) domane Î.G. di hewteyan tacîz kerde. Keyeyo ke serebûtê tacîzî musa şi dibistane. Î.G. dibistane de wexto ke Y.K. dî qîra. Mabênê keye û Y.K. de pêrodayîş vejîya û îdareyê dibistane û polîsan mudaxeleyê pêrodayîşî kerd.

Tehqîqatî ra dima pê delîlan sûcê Y.K. ame îsbatkerdene û Y.K. tepişîya. Y.K. serqoricî Îskender Ertuş vist dewre û waşt ke wa keye gerreyê xo ra fek vera bido. Ertuşî û dezayê hêrişkerî Faysal Kiliçî keyeyê mexdûrî rê gef wend ke gerreyê xo apey bigêro

Serqoricî Ertuş û pawitoxê ci Faysal Kiliçî keyeyî rê gef wend ke wa Elbak biteriknê nêbo do bikişîyê. Keyeyî şewêke Elbak terikna.