Komeleya Karkeran a Mezopotamyamya ra heyetêkî derheqê hêrişê dewleta tirke yê vera endamanê ci de temsîlkarîya Neteweyanê Yewbîyayeyan (NY) a Silêmanî de pêvînayîş kerd.

Heyetî bi taybetî bale ante sûîqastanê vera endamê ci Ferhat Bariş Kondu û Endamê Komîteya Keyeyanê Şehîdan a PKKyî Yasîn Bulut (Şukrî Serhed) ser.

Qiseykerdişan de ame vatene ke pîya bi nê hêrişan MÎTî endamê Komeleya Karkaran a Mezopotamya tehdît kerdî û cehd kerd ke înan bikero ajan. Heyetî numarayê telefonan û qeydê vengî zî tede belgeyî teslîmê NYyî kerdî.

Goreyê zanayîşê ke çimeyanê komele ra ame girewtene temsîlkarîya NYyî vat ê zî vînenî rewşe zaf giran a do zanayîş bidê asayîşî.

Dîya zanayene ke seba ke babete bikewo rojemê hukmatê merkezî û warê mîyannetweyî temsîlarîya NYyî ya Baxdadî de zî do pêvînayîşêk bêro organîzekerdene.