Dewa Kîwexî ya  qezaya Hezexî ya Şirnexî dewa êzidîyan a û wayîrê tarîxêkê kahanî ya.

Keyeyê dewa Kîwexî manenê ê Heskîfî û tede rêçê serdemê verênî estê. Keyeyê na dewe, pêro kerrayan ra virazîyayî. Êzidîyê ke tarîx de xeylê reyî rastê qirkerdişî ameyê, heta serranê 90an reng da na dewe. Êzidîyê dewa Kîwexî, serrê 90an de rîyê teda û zulmê dewlete ra neçare mendî ke dewa xo terk bikerê û verê xo bidê Ewropa.

Labelê Êzidî, her serre heman wextî de dewa xo zîyaret kenê. Hetêkê bînî ra zî  êzidîyê ke dinyaya xo bedilnenê,  na dewe de defin benê.

Bi taybetî zî goristanê êzidîyan xeylêk bala merdiman anceno. Serê gorê êzidîyan de Melekê Tawûsî û roje estê û gorî kerreyan ra virazîyayî. Êzidîyî emsar nêweşîya vîrusê korona ra nêeşkenê bêrê dewa xo.

Dewa Kîwexî de nika çew çin o, dewe veng û bêwayîr a. Dima ke êzidîyan koç kerd qorîcîyanê dewa Daskanî serrê 90î de nameyê dewe vurna û kerd "Dewa Îslamî". Nêrazîbîyayîşanê serran ra dima reyna nameyê dewe bi "Dewa Kîwexî." Nika dekewtişê dewe de qorîcî ameyî cakerdene.

Dewa Kîwexî, nameyê xo şikefteyêkê dewe ra gêna. Dewe bi xoza û keyeynê xo bale ancena. Labelê keyeyê êzidiyan  rijnayîşî de têrî mendî.

Sewbîna xeylêl kesî hem teberî ra û hem zereyî ra yenê zîyaretê dewa Kîwexî.