Helgûrt Siyabendo ke Kop de dest pê têkoşînî kerd û Xakûrkê de şehîd bi vatêne gerîlabîyayîş şerê newera afernayîşê xo yo, rayîrê newera awankerdişê cuye yê Kurdîstanî yo.

Kurdîstan mîyanê têkoşînê azadîye de yo ke warê çêran o. Ewladanê çêran ê şarê kurdî semedê azadîya na cografya bi eşqêkê pîlî xo feda kerd. Pênaseyê eşqî bi cuya nê çêran resa manaya xo ya raştikêne. Nînan ra yew zî bi parçeyêkê welatî.

Gerîlayo şehîd Helgûrt Siyabend (Fesîh Karakaya) zî nê ewladanê çêran ra yew o.

Helgûrt serra 1991î de dewa Gebola ya qezaya Kopî ya Mûşî de dadîya xo ra beno. Hetêkî ra tedayanê dewlete hetêkê bînî ra zî serewedaritişê gerîlayan zaf tesîrê Helgûrt Siyabendî keno.  Helgurt mîyanê rewşêka winasêne de beno pîl. Her ke o pîl beno têkoşînê gerîlayan zî pîl beno.

Wextê zanîngehî de cigêrayîş, hêrs û kînê Helgûrtî zêdîyenê û o tewrê karanê ciwanan beno. Dima zî tewrê gerîlayan beno. Ey manaya cuya gerîlayan wina pênase kerdêne: ''Cuya gerîlatîye cuya parekerdiş û azadîye ya. Sîstem kulturê ma, nasnameyê ma, ziwanê ma, cuya ma qetil keno. Wexto ke merdim pê çimê gerîlatîye biewno vîneno ke ma şerê newera estbîyayîşî kenê. Gerîlatîye tek rayîrê newera awankerdişê cuye yo ke xîret yeno kerdene ke Kurdîstan de nêmana.''

Coka o zaf perwerê xoza bi. Hayîya ci pê estbî ke semedê servistişê ney ganî heskerdiş bêro şînkerdene û pîlkerdene. Ey tim xîret kerd ke gerîlatîya profesyonele bikerê. O qet nêvindert, pêro wezîfeyê xo kerdî û kede daye.

Ey tewr peyên herêma Xakûrkê de wezîfe kerd. Warê Ermûşî de hêrişê hewayî yê dewleta tirke ya îşxalkere de pa di embazanê xo o tewrê karwanê şehîdan bi û peyê xo de mîrasêko pîl verda.