Têgêrayîşê Azadîye (Tevgera Azadî) yo ke Başûrê Kurdîstanî de gurîyeno bi tewrbîyayîşê 700 delegeyan Silêmanî de kongraya xo ya hîrêyine kerde û hemserekê xo yê neweyî vîjnayî.

Kongre de rewşa sîyasîyî û rêxistinkî ameye destgirewtene û ercnayîşê muhîmî ameyî kerdene. Xeylêk partîyanê sîyasîyan ê kurdan û xeylêk cayanê dinya ra semedê kongre mesajî ameyî. Delegeyan xo mîyan de muneqeşeyî kerdî û semedê xurtkerdişê têkoşînî fikrê xo ardî ziwan.  Kongre de îdareyo newe ame vîjnayene. Tara Hûsên û Selam Ebdullah bîyî hemserekê neweyî yê Tevgera Azadî.