Warê Werxelê yê Avaşînî ke artêşa tirke ya îşxalkere 7ê hezîrane ra nata vera ci hêrişanê giranan kena, tîmê gerîlayan ê aktîfî tede hem hêzê xo pawenê hem zî pê çalakîyanê xo paştî danê tunelanê şerî.

Tîmanê aktîfan ê Werxelê hezîrane ra nata bi desan çalakîyî kerdî. Nê tîmî roje 24 saetan vera hêrişanê bi obus, hawan, hewayî û bombardumanan bêmabên şer kenê.

Gerîlayanê HPG û YJA-Starî verî ke şorê çalakîye kameraya gerîlayan rê qisey kerd û qerardarîya xo mojnaye.

Gerîlaya YJA-starî Adîfe Kanîreş vat: ''Wextêkî ra nata ma têgêrayîşê leşkeran pawenê. Ma şerê tunelan ê embazanê xo selam kenê. Vera her hêrişê dişmenî xo ver danê. Ma hêzê xo xoverdayîşê tunelanê şerî yê Werxelê û Girê Sorî ra gênê. Ma semedê embazanê xo çalakîyanê hîna xurtan bikerê.''

Gerîlayê HPGyî Cesur Axînî vat: ''Semedê qesasê embazanê xo ma şinê çalakîye. Ma qerardar ê ke qesasê fermandar Serhad Giravîyî bigêrê. Sey şerwananê embaz Serhadî ma şinê nê warî û bi ruhê embazan nê cayî de xo ver danê ma wazenê çalakîyan bikerê.''