Çeteyanê SMOyî bi tanq, wesayîtanê zirxinan û droneyanê çekdaran di hetan ra hêrişê herêma awbendî kerd. Pêkewtişan de tewr tay 35 çeteyî ameyî kiştene û bi desan zî birîndar bîyî, 2 wesayîtê zirxinî zî ameyî îmhakerdene.
Hêrişê dewleta tirke ya îşxalkere û çeteyanê ci yê vera Awbendê Tişrînî zêdîyayî. Şervananê Meclîsê Leşkerî yê Minbicî cewab hêrişan û pêkewtişê giranî qewimîyayî.
Meclîsê Leşkerî yê Minbicî derheqê pêkewtişan de yê ke dewam kenê, eşkerayîye daye û nê vatî:
"Xoverdayîşê Awbendê Tişrînî roja 13ine de dewam keno. Dewleta tirke ya îşxalkere û çeteyanê ci ewro hêrişê xo zêdînayî. Şervanê Meclîsê Leşkerî yê Minbicî vera hêrişan xoverdayîşo gird danê.
Çeteyanê SMOyî bi tanq, wesayîtanê zirxinan û droneyanê çekdaran di hetan ra hêrişê herêma Awbendê Tişrînî kerd. Netîceya pêkewtişanê giranan de heta nika de tewr tay 35 çeteyî ameyî kiştene û bi desan zî birîndar bîyî. Reyna 2 wesayîtê zirxinî zî ameyî îmhakerdene û çekê kalaşnîkof û muhîmat kewt destê şervananê ma.
Pêkewtişî hema dewam kenê.''
