Hêrişê îşxalî yê dewleta tirke û çeteyanê ci yê Artêşa Mîlî ya Sûrîye (SMO) yê vera herêma Awbendê Tişrînî dewam kenê. Vera hêrişan hêzaê QSD û YPJyî xoverdayîşê girdî kenê. Şervanan ra Şervan Baz Ereb o ke xoverdayîş ca geno, derheqê têkoşînê tarîxî de qisey kerd.

Şervan Baz Erebî ard ziwan ke destpêkerdişê hêrişê çeteyan ê vera Minbicî û Awbendê Tişrînî ra nata dewleta tirke zî hêrişê hewayî kena û nê vatî: ''Şervanê Awbend Tişrînî vera hêrişê îşxalî rolê tarîxî kay kenê. Rîyê nê hêrişan ra tay embazê ma gerîyayî binê ablûqa. Naye sero hêzanê ma yê çekderan xoverdayîşo destankî kerd. Hemrayê ma ke vêşan û têşan ameyî verdayene bi îradeyê girdî û têkoşînê tarîxîyî xoverdayîşê xo domna.Badê pêkewtişanê giranan ablûqa ame şiknayene û  şervananê ma ûca rolêkê muhîm û tarîxî girewt xo ser.

Awbendê Tişrînî de operasyonê vera hêrişê verênî de 110 ra zafêr çeteyî ameyî kiştene. Embazê ma bi îrade û xoverdayîşê xo hêrişê dewleta tirke û çeteyanê ci betal kenê û derbanê giranan danê piro. Pêkewtişê zaf giranî ameyî kerdene; mabênê ma de ge ge mesafe bi 15 metre. Şervanê Awbendê Tişrînî rixmê heme zorîye bi hewayêkê qehremankî xoverdayîşê destankî kenê.''