Têgêrayîşê Cinîyan ê Azadan (TJA) Amed de deklarasyonê xo yê 8ê Adare Roja Cinîyan a Dinya eşkera kerd. Eşkerayîye kurdkî û tirkî ameye wendene.

Eşkerayîye de ame vatene ke tradîsyonê xoverdayîşî ke bi keda bi hezaran cinîyan ame afirnayene ewro rayîrê têkoşînê azadîye yê cinîyan ê kurdan zî roşn keno.

Deklarasyon de wina ame vatene: ''Ma sey cinîyan ê kurdan no kulturê xoverdayîşî ke ameyo afrinayene bi ziwan, kultur û nasnameyê xo newera şekl danê ci. Ma tewrê na heleqaya xoverdayîşî bîyî ke hetê Leyla Qasiman ra, heta Zarîfeyan, Sarayan, Seveyan, Arînan û bi hezaran cinîyan ê kurdan ra gave bi gave ame mutene. Ma vera serdestîya camêrdan, sîstemê kapîtalîstî, şîdetê vera cinîyan û polîtîkayanê şerê taybetî bi Jin,Jiyan Azadî ke felsefeya ma ya cuye ya, ver bi azadîye şinê. Ma do bi na paradîgma semedê azadîye biqîrê.

Netîceya xoverdayîşê ke semedê azadîya fîzîkîye ya Birêz Ocalanî ame kerdene de bi Rayberê Şarê Kurdî Abdullah Ocalanî dewrê ke neweyî dest pêkerd. Ma zanê ke paradîgmaya Birêz Ocalanî cinîyan û şaran rê dana qezenckerdene. Seba ke na paradîgma bêra caardene û Birêz Ocalan bibo azad ma do tim têkoşîn bikerê.

Ma vera hêrişanê hemparan xeta têkoşînî ya têkoşînê hemparî bi ziwanê cinîyan, zerrîya cinîyan, heqîqatê cinîyan  munenê, bi hewayêkê qerardarî 8ê Adare de têkoşînê xo xurtêr kenê. Ma veng danê ke wa heme cinîyî 8ê Adare de vejîyê meydanan û vengê xo berz bikerê. Ma do  3 bajaran û qezayan de mîtîng de û şayîyan bikerê. Startê çalakîyan do 22ê sibate de Mîdyatê Mêrdînî de bêro dayene.''