Pêro gerîlayî wayîrê hîkayeyêk ê ke qala ci bikerê. Her vîrameyîşê gerîlayan qadê destanêkî yo. Xoverdayîşê Aris Farisî zî vîran de vurîya bi destanêk.

Gerîla Dîrene Raman warê Aris Farisî yê Avaşînî de tunelanê şerî de xo ver dabi. Dîrene Raman 12ê temmuze de verî ke şora çalakîye kamerayan rê qala xoverdayîşê Aris Farisî kerdbî. Dîrene Raman 12ê temmuza 2021î de na çalakîye de pa 3 embazanê xo şehîd bîye.

Gerîla Dîrene Raman Mamreşo wina qala Xoverdayîşê Zendûra kerdbî:

''Mi çarçewa Hemleya Bazanê Zagrosî de xoverdayîşê Aris Farisî de ca girewt. Dişmenî Mamreşo ra dima verê xo da tîya. Dişmenî armanc kerd ke ma teslîm bigêro. La ma tunelan de xo ver da. Dişmen pê xoverdayîşê ma şoq bi coka vat 'Bêrê teslîm bibê, dewlete do şima bipawa.' Înan bi taybetî venga embazanê cinîyan dayêne. Her ke înan wina veng da ma tîlîlîlî kerd, sloganî eştî. Her ke înan qisey kerdêne embazanê ma vera înan çalakîyî kerdêne.

Embazanê pê taktîkanê xo nêverda dişmen bikewo zere. Embaze Amara bire daye ke vera înan çalakîya fedayîye bikera. Ma hînî metod û rayîranê dişmenî zanenê. Ma sey gerîlayanê YJA-Starî heta ke qesasê embazanê xo megêrê Avaşînî ra fek vera nêdê. Ma do qesasê şehîdanê Zagrosî qetî bigêrê.''