Wekîla verêne ya YNKyî Rêzane Şêx Dilêr derheqê hêrişanê îşxalî yê dewleta tirke yê vera Başûrê Kurdîstanî de ANFyî rê qisey kerd û vera hêrişan nêrazîbîyayîşê xo mojna.

Rêzane Şêx Dilêr ard ziwan ke herême de estbîyayîşê dewleta tirke vera Başûrî tehlukeyêk o û vat: ''Herêma Kurdîstanî vera dîyena bombayan ver. Nê cayanê sey Çemçemalî de PKK çin o, şar est o. Ganî hukmatê Iraqî û herêma Kurdîstanî bi hawayêkê fermîyî nê hêrişan şermezar bikerê. Partîyê sîyasî yê Başûrî sey PDKyî vera hêrişan peygoşî kenê. ''

Rêzane Şêx Dilêr îfade kerd ke vateyê sey 'şarê Başûrî wazeno PKK erdê ci ra vejîyo' raşt nîyê û vat: ''Ma kamyew terefê sîyasîyî de bibê zî ma pêro kurd ê; tîya zî erdê pêro kurdan o. Wexto ke herême rê gef ame werdene ganî pêro kurdî bi tewirêkê neteweyî têbigêrê, erk û mesuldarîyanê xo bîyarê ca.''