Serkeşîya Meclîsê Wa Munzur Azad Biherikîyo de xeylêk rêxisitinanê komelê sivîlî û dorme û ekolojî, patîyê sîyasîyî, hunermend, roşnvîr, komele, sendîka û pawitoxanê heqanê merdiman vilawekêke vila kerde ke wa talanê vera Çimeyanê Munzurî bêro vindarnayene.

Vilaweke de nê ameyî parekerdene: ''Bajarê ma de wextêk o xeylêk projeyî ameyî amadakedene. Zafê înan bi mudaxaleyê huquqî û fîlî ameyî vindarnayene û betalkerdene la qismêkê înan zî ameyî caardene. Seke yeno zanayene Munzuro ke sembolê cografyaya ma yo dole, çeme û koyê ci tim hedef de yê. Nika zî merkezê bawerîya elewî-kizilbaşan Çimeyê Munzurî hedefê sermeye yê. Bi projeyê Peyzajî bawerî, kultur û vîrê ma rê mudaxale yeno kerdene ke ma do destûrê naye madê. Seba ke heme erjanê ma yê bimbarekan binpay keno û xozaya ma talan keno, ma vera nê projeyî.  Ma reyna veng danê ke wa verê talankerdişê Çimeyanê Munzurî bêro girewene û no proje cade bêro vindarnayene.''