Vera dewayê qefilnayîşê HDPyî pêvînayîşê HDPyî yê şarî reyde dewam kenê. Vervatoxa HDPyî û Wekîla Mêrdînî Ebru Gunay û Wekîlê HDPyî yê Çewlîgî Erdal Aydemîrî Çewlîg de esnafî zîyaret kerdî.

Ebru Gunay hesabê xo yê medyaya sanale de fotografê zîyaretê Çewlîgî pare kerdî û vat: ''Memleketê mi Çewlîg de pîya bi Erdal Aydemîr û îdareyê bajarî ma Dezgehanê Komelê Sîvîlî reyde ameyî têhet û Dara Hênî de esnafî zîyaret kerdî. Ma do bi paştdayîşî na tarîtîye ra vejîyê.''

Erdal Aydemîrî zî da zanayene ke înan şarê Çewlîgî reyde rojdem ercnayo û şarê Darî Hênî rê spas kerd.