Gerîlayî semedê azadîya şarê Kurdîstanî û xelisîyayîşê Kurdîstanî koyan de ca bîuî. Çunke koyî şarê gerîlayan bîyî. Gerîlayê azadîye her roje derban danê artêşa tirke ya îşxalkere ro. Çalakîya Amedî ya 2017î de gerîlayan binê qereqolî de tunelî viraştbî û qereqol teqnabî.

Şerê gerîlayan destpêkê serra 2021î ra nata vera artêşa îşxalkere dewam keno. Xoverdayîşê Garê û Sîyasetî yê ke rayberîya Şoreş Beytuşşebabî de ameybî kerdene xoverdayîşê gerîlayan geş kerd û fedayîtîye vete werte. Ma eşkenê ney mîyanê Hemleyanê Şorişgêran ê Cengê Xabûrî û Bazanê Zagrosî de bivînê. Gerîlayî Zap, Metîna û Avaşîn de taktîkanê neweyan û pratîkêkê neweyî ceribnenê.

Seke Vietnam de bîyî gerîlayî Kurdîstan de pê tunelanê şerî qederê şarî vurnenê. Gerîlayî 1980an de Behdînan de ca bîyî, înan Behdînan de xeylêk bedelî dayî, çalakîyî kerdî, şerî kerdî û gamî eştî. Şero ke 23ê nîsane de dest pêkerd mojneno ke nê cayan de înîsîyatîf hema zî destê gerîlayan de yo. Gerîlayê Kurdîstanî nê şerî de metodê 'xo binimne û dişmenî bigêrê binê kontrolê xo' anê ca. Gerîlayan Konferansa Dola ya Avaşînî de, Cîloyê Biçûkî de xeylêk çalakîyê winasênî kerdî.

Nika zî Hêzê Pawitişê Hewayî yê Şehîde Delale pê îmkananê xo yê kêman çalakîyanê serkewteyan kenê. Çalakîyanê înan ê Amed, Êlih û Şirnexî ra dima hînî AKP nêeşkeno vajo 'welat de meseleya beka çin a.' Gerîlayê HPG û YJA-Starî şerê şorişgêrî yê şarî kenê. Gerîlayî beno ke koyan de yê la ê qetî şarî ra nêqerifîyayî çunke înan koyî vurnayî kerdî raştîya şarî û hêvîya xelisîyayîşê şarî.