Platformê Ziwanê Kurdkî seba ke zanîngehan de Beşê Edebîyat û Ziwanê Kurdkî bêrê akerdene Serekîya Dezgehê Banderî yê Berzî (YOK) rê mektubêk erşawit. Platformî Cemîyetê Rojnamegeran ê Başûrrojhelatî (GGC) de kombîyayîşêkê çapemenîye kerd û mektub wend. Vervatoxanê Platformî ra Şerefxan Cizîrî bi kurdkî û Îrfan Sonerî zî bi tirkî mektub wend.

Mektub de ame vatene ke verî zanîngehan de beşê winasênî abibî la hewceyê komelî pê nê beşam zêdêr o.

Mektub de nê çîyî ameyî waştene:

-Fakulteyanê Edebîyatî de perrê Edebîyat û Ziwanê Kurdkî wa bibê beş.

-Sere de Îstanbul, Îzmîr, Anqara  de cayan de ke tede kurdkî yena qiseykerdene wa beşê Edebîyat û Ziwanê Kurdkî bêrê akerdene.

-Zanîngehê Îstanbulî û Dîcle de wa Enstîtuyê Cigêrayîşanê Kurdan bêro akerdene.

-Zanîngehêko bi kurdkî perwerde dano wa bêro akerdene.