Merkezê Îrtîbatî û Çapemenîye yê HPGyî derheqê hêrişanê îşxalî yê dewleta tirke de eşkerayîyêke daye.

Eşkerayîya HPGyî wina ya:

''2ê êlule de artêşa TCyî ya îşxalkere qezayanê Payîzava, Elbak û Mehmûdîyî yê Wanî de operasyonêkê îşxalî da destpêkerdene. Artêşa TCyî ya îşxalkere 5ê êlule de bênetîce nê waran ra xo apey ant la dormeyê dewanê herême de yewinanê nimiteyan reyde dafikan nana ro.

8ê êlule de teyarayanê şerî yê artêşa TCyî ya îşxalkere warê Çemçoyî yê herêma Zapî yê Herêmanê Pawitişî yê Medya ser o bombayî varnayî.

Heman roje artêşa TCyî ya îşxalkere warê Hirçina Jêrê û Tengawa Şehîd Cesurî yê qezaya Geverî yê Colemêrgî ser o bi onus û hawanan bombayî varnayî.

Nê hêrişan de zerarêk nêresa hêzanê ma ser.''