Merkezê Îrîtbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî wina ya:

''18ê tebaxe de artêşa tirke warê Gelîya Şehîd Firatî yê qezaya Kemahî ya Erzînganî de operasyonê îşxalî da destpêkerdene. Îşxalkeranê  ke heta saetanê şanî falîyetê cigêrayîşî kerdî, war de yewîyê xo yê nimiteyî verdayî û destveng peyser ancîyayî.

Warê Xoverdayîşî yê Girê Sorî û Werxelê yê Herêma Avaşînî

24ê tebaxe de îşxalkeranê ke badê bombardumanî waşt ver bi Warê Xoverdayîşî yê Girê Sorî şirê, pê mudaxaleyê xoverdayoxanê Girê Sorî destveng peyser agêrayî. Saetanê şanî de warê xoverdayîşî bi madeyanê teqayîşî ameyî bombardumankerdene. Eynî roje Warê Xoverdayîşî yê Werxelê  zî 4 rey pê çekanê giranan û madeyanê teqayîşî ameyî bombardumankerdene. Îşxalkeranê ke waşt aver şirê hetê xoverdayoxanê Werxelê ra ameyî açarnayene. Îşxalkerê ke rixmê şuxulnayîşê heme metodan nêeşkene vera hêzanê ma aver şirê 25ê tebaxe de reynavera  waranê xoverdayîşî gazê kîmyewî şuxulnayî.

24ê tebaxe de xeta Qaşûra ya Metîna de têgêrayîşê helîkopteran qewimîya. Eynî roje dormeyê dewanê Kêste, Hirorê, Seraru, Deşîşê, Derarê û Êdinê yê Kanî Masî yê Amedîye û warê Koordîne, Girê Zendûra û Girê Şehîd Çîya pê helîkopteranê hêrişî û obus û hawananê ke qereqolanê sînorî ra ameyî eştene ra ameyî bombardumankerdene. Eynî roje Avaşîn de warê Mervanos,Tabûrê Ereban, Girê Sor, Girê Spî û Girê Silêmanî de têgêrayîşê helîkopteran qewimîya û warê Girê Şehîd Rizgar, Stûna, Qela Stûna û Girê Şehîd Întîkamî pê helîkopteranê hêrişî ameyî bombardumankerdene. Reyna Zap de zî warê Tîpa Tyî, Çemçoyî û Kûnîşka pê helîkopteranê hêrişî obusanê  ameyî bombardumankerdene.''