Girê Zendûra de tunelêkê şerî de her kes dî ke gerîlayî senî xo ver danê. Yew çimê Girê Zendûra ewnîyayêne Zap, çimê ci yo bîn zî ewnîyayêne tersê dişmenî Heftanîn ra. Nê xoverdayîşî dişmen kerd felç.

Cumleyêka ke çend rojî verî gerîlayêkê HPGyî vatbi na rewşe hol dîyar kena: ''Çêrî semedê xoverdayîş û çêranê şehîdan nêgêrenê şahîdan la Zendûra bi şahîdê embazanê ma.'' Îqtîdarê AKP-MHPyî 23ê nîsane ra nata vera tunelanê şerî tewr bi tewr çek, gaz, bombayî şuxilnayî. La ê nêeşkayî Zendûra de ser bikewê. Ne qeleme ne zî cumleyêka ma esta ke ma bieşkê destanê xoverdayîşî yê gerîlayan binusê.  Beno ke ma bieşkê xoverdayîşê gerîlayan binusê.

Ê bi xo tarîx danê nuştene, xoverdayîşî visnenê vernî. Ê bi sebrê xo ê gîrî ser o xoverdayîşî neqişnenê. No rixmê her çîyî 'cuye' yo, esasgirewtişê cuye yo. Gerîlayê Zendûra nika ra bîyî çêrê Kurdîstanî û ê şarê xo. Înan cepheyê Girê Zendûra de lapatêko xurt ê Apogîran eşt rîyê îşxalkeran û serê koyan de xoverdayîş nuşt.