Warê Xoverdayîşî yê Avaşînî de xoverdayîşê gerîlayan ê vera artêşa tirke dewam keno. Hêrişê îşxalî hîrê mengî xo dima verdayî. Nê demî de mabênê gerîlayan û îşxalkeran de pêkewtişê giranî qewimîyayî. Werxelê de xoverdayîşo bêhemapa dewam keno.

Leşkerê tirke yê ke vera Warê Xoverdayîşî yê Werxelê heme medotan şuxulnenê rixmê heme hêrişanê ke bi metodanê bêehleqan yenê kerdene nêeşkenê vera xoverdayîşê gerîlayan ser bikewê. Prestîjê artêşa tirke binê lingan de yo. Artêşa tirke barbarîye de sînor nas nêkena. Beno ke tarîxê şerî de reya verên a waro ke wazenê îşxal bikero de wina tengayîye ancena. Gerîlayî pê çalakîyanê xo derbanê pîlan danê îşxalkeran ro. Ne erazî, ne şertê serrewextî ne zî teknîkê dişmenî eşkeno gerîlayan vindarno. Bitaybetî çalakîyê ke 20 rojanê peyênan ke çarçewa Hemleya Bazanê Zagorî xoverdayîşê gerîlayan ramojnenê.

Yewîyê gerîlayanê ke roja verêne ya hêrişê îşxalî ra xeylêk çalakîyan de ca girewto kamerayanê xo ra hemrayanê xo rê mesaj şawit.Gerîlayî mesajê xo de îdîa û qerardarîya xo ramojenê û dişmeno ke xeylêk wexto teqîp kenê û genê binê kontrolî derheqê ci de zanayîş danê. Gama ke gerîlayî nê dîmenan ancenê zî vengê teyarayanê şerî û hêrişê obusan yeno. Gerîlayî wextê nê teqayîşan de cayê xo ra nêleqenê. Mesajê înan seba hemrayanê înan dewam keno: Ma do ser bikewê!