Xoverdayoxanê Zendûra 50 rojî bêmabên Girê Zendûra yê Metîna de têkoşîn kerd, rixmê pêro hêrişanê dişmenî zî bawerîya xo ya serfîrazî ra fek vera nêda.

provakasyonê PDKyî yê 5ê hezîrane ra dima gerîlayan taktîkê xo vurnayî. Coka înan bire daye ke Zendûra ra xo apey biancê. Komêka gerîlayan weş û war xo apey ant, komêka gerîlayan a bi 6 kesan zî Girê Zendûra de 11ê hezîrane de şehîd bîye. Gerîlayanê ke şehîd bîyî wextê xpverdayîşî de hacetê bêtelî ra mesajî dayî.

Mesajê şehîdan wina bi:

''Ma pêro şarê xo zerrî ra selam kenê. Seke zanîyeno dewleta tirke ya îşxalkere vera têgêrayîşê ma, Herêmanê PAwitişî yê Medya de, xeta Zap, Avaşîn û Metîna de operasyonêk da destpêkerdene. Ma sey embazanê Zendûra zî  xoverdayîş de ca gênê. PÊ xoverdayîşê embazan Zap, Avaşîn û Metîna de dewleta tirke ya îşxalkere netîceyêke nêviste destî. Dişmen pê her tewirê hêrişî yeno ma ser. La çend hêriş bikero zî nêeşkeno îradeyê ma bişikno. Se beno wa bibo serfîrazî do biba yê ma û bawerîya ma wina ya. Dişmen çend bêro ma ser zî ma do xo ver bidê. Her roje dişmen şerê psîkolojîkî keno û vengdayîşê teslîmîyetî keno. 35 serrî yo milîtanê na partî, milîtanê Rayberîye teslîm nêbîyî do teslîm nêbê. Embazî heta ke destê înan ra yeno çalakîyan kenê. Xoverdayîşê ma geşêr beno.

Ma wazenê venga şarê xo bidê. Ganî şarê ma yê Başûrê Kurdîstanî îşxalê dewleta tirke yê vera Başûrî qebul nêkero. Nê operasyonî têna vera PKK û gerîlayanê azadîye nîyê. Nê operasyonî vera pêro kurdan dîyayî destpêkerdene. Ganî merdimî vera îşxalî wurzê payan ser. Dewleta tirke semedo ke çimê şarî bitersna hêrişê dewam kena. Zerar dana bax û baxçeyanê şarî.

Şarê ma yê Başûrî ganî baldar bibo û nê şerî têna sey şerê PKKyî nêvîno. No şer şerê pêro kurdan o. Ma do sey gerîlayan heta peynî xo ver bidê. Semedo ke ma nê operasyonanê îşxalî bişiknê ganî şarê ma paştî bido ma. Ma çalakîyanê şarê ma yê Rojawanî û Ewropa fîraz kenê.Ma selamanê xo şawenê înan. Ma grevê vêşanîye yê zîndanan ê semedê azadîya Rayberîye û şiknayîşî tecrîdî selam kenê. Xoverdayîşê ma dewam keno, serfîrazî qetî do yê ma biba.''