Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî de gerîlayan dest na teqaberanê kîmyewî û qedexekerdeyan ê artêşa tirke ya îşxalkere ser. Dîmenê nê teqaberan resayî destê ANFyî.

Dîmenan de gerîlayêka YJA-Starî qalê ci kena ke înan senî dest nayo nê teqaberan ser û tesîrê nê teqaberan senîn ê.

Gerîlaya YJA-Starî vana ke ê nêeşkenê bi zelalî tedeyîya nê teqaberan îfade bikerê la boya teqaberan ''zaf giran a.''

Mîyanê nê teqaberanê destsernayeyan de teqaberê bi nameyê ''TERMOBARIK'' (TBX) zî est ê.

Dîmenan de aseno ke dima ke nê teqaberî şuxilîyayê xo pey de rêçî verdanê û tira dûyê sipîyî vilayê warêkê hîrayî benê.

Ancî dîmenêkê bînî de dîyeno ke serê kendalêkî ra dûyê nê teqaberan sey kilawekî berz benê.

Dîmenan de teqaberê bi nuşteyê ''Termobarik''î bi zelalî asenê. Nê teqaberî wayîrê tesîrêkê giranî yê û hêzê nînan ê rijnayîşî pîl o.