Endamê Platformê Pawitişê Hewselî Guner Yanliçî derheqê talanê Çimeyanê Munzurî de qisey kerd. Yanliçî ard ziwan ke 80 serran serwedaritişê Seyîd Rizayî yê 1937î ra nata Dêrsim û cografyaya ci yenê talankerdene.

Yanliçî vat: ''Cografyaya Dêrsimî hetê cografyaya xo ra eko-sîstemê Ewropa de asta diyîne de ya. Na cografya serranê 90an de bi vêşnayîşê daristanan kewte rojdem. Dêrsim seba bawerîya elewîtî û pêro gandaran cayêko taybet o. Ma raşt nêvînenê ke Çimeyê Munzurî, daristanê Dêrsimî û eko-sîstem bêrê talankerdene û bibê ê sermaye. Dewlete tewr peyêne bi projeyê peyzajî yê Çimeyanê Dêrsimî  seba talanî ameyî pêşkêşkerdene. Ganî na babete de goş bêro dayene fikran komel û dezgehan.

Nê serranê peyênan de pêro Kurdîstan de koyî, daristanî yenê vêşnayene û mudaxeleyê vera şewatan yenê astengkerdene. Îqtîdar senî nêzdîyê merdiman bena bi nê qaydeyî nêzdîyê xoza bena.

Çinkerdişê xoza qet nêno qebulkerdene. Ganî îqtîdar nê têgêrayîşê xo raşt bikerê, wayîrê eko-sîstem û daristanan vejîyo.''