Şingal de roja yewşeme saetanê şanî de wesayîtêk teqa. Çimeyanê PKDyî îdîa kerd ke hêrişê hewayî yo. La Merkezê Çapemenîya YPŞyî eşkerayîya xo ya nuştekîye de vat no îdîa raşt nîyo.

YPŞ vat: ''Teqayîş 20ê êlule de saetanê şanî de nizdê Tirbeya Şerfedînî yo  semedê êzidîyan bimbarek o  de qewimîya. Hema nîno zanayene ke no wesayît senî û hetê kamî ra ame teqnayene. Çîyo ke baldar oyo ke PDK û tay hêzî vanî hêrişê hewayî yo la a saete de serê Şingalî de ne teyarayê keşîfî ne zî teyareyê şerî estbî. Cayê qewimîyayîşî de zî hêzê man ê PDKyî estbî. Nê qewimîyayîşî de yeno vînayene ke tay hezî ya zî partîyî bitaybetî no wexto ke şarê ma agreno herra xo, bi nê eşkerayîyan û kayan wazenê wa sey Şingal de huzur û asayîş çîn o bêro zanayene. Raştîye de netîceya têkoşînê 6 serran de huzur û asayîşo ke Şingal de ame raameyene qet cayê Başûrê Kurdîstanî û Iraqî de çîn o. Êyê ke bi nê vatişan û kayan wazenê asayîşê Şingalî bixeripnê do meresê armancê xo.''