Gerîlayanê YJA Starî semedê qesasgirewtişê 6 gerîlayanê ke hêrişê çekê kimîyewîyî yê dewleta tirke de şehîd bîyî, Şemzînan de çalakîya sabotajî kerde. Çalakîye de wesayîtê tipê Reoyî ame îmhakerdene û 6 îşxalkerî ameyî kiştene.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:
YJA Star Şemzînan de da piro
''15ê êlule de qezaya Şemzînanî ya Colemêrgî de hêzanê ma yê YJA Starî çalakîya sabotajî kerde. Wesayîtê tîpê Reoyî yê artêşa tirke yo ke Qereqolê Şkeftanî ra vejîya û ver bi dewa Katûna şîyênî ame hedefgirewtene. Çalakîya de wesayîto ke ame pirodayene ame îmhakerdene, 6 îşxalkerî ameyî cezakerdene û 2 îşxalkerî zî birîndar bîyî. Badê çalakîye artêşa tirke pê ambulansan û helîkopteran merde û birîndarê xo herême ra fînayî dûrî. Na çalakîya serkewtîya ke hêzanê ma yê YJA Starî kerde semedê qesasgirewtişê 6 gerîlayanê ke hêrişê çekê kimîyewîyî yê dewleta tirke yê vera Girê Sorî de şehîd bîyî, ameye kerdene.
Bombarduman
Artêşa tirke 15ê êlule de Warê Xoverdayîşî yê Werxelê pê madayanê teqayîşî bombarduman kerd. Reyna warê Girê Şehîd Întîkamî, Girê Qatalî û Stûnê yê Avaşînî pê helîkopteranê hêrişî ameyî bombardumankerdene. Eynî roje warê Kûnişka û Karkerî yê herêma Zapî pê teyarayanê şerî ameyî bombardumankerdene. 15 û 16ê êlule de dormeyê dewanê Dêşîşê, Kêste, Hirorê û Serarû yê Kanî Masî yê Amedîye û warê Qêla Qûmriyê pê obus û hevanan ameyî bombardumankerdene. Netîceya hêrişê artêşa tirke ya îşxalkere de bax bexçeyê şarê ma de xesaro madî ame meydan.''
