Qezaya Çemçemalî yê bajarê Silêmanî yê Başûrê Kurdîstanî de  netîeya bombardumanê dewleta tirke de vizêr cinîyêke şehîde bîye û di hemwalatîjî birîndar bîyî.

Yewîya Welatperweran a Kurdîstanî (YNK) vera hêrişê dewleta tirke yo ke pê Wesayîtanê Çekdaran ê Bêmerdiman (SÎHA) ame kerdene eşkerayîye dayene.

YNKyî bombardumanê dewleta tirke şermezar kerd û vat: ''Teyarayanê tirkîya  Kara Hencîro ke nêzdîya Kerkukî de yo bombarduman kerd. Ma nê binpaykerdişanê sînorî ke heta xorîyîya Iraq û Kurdîstanî yenê sey averşîyayîşê xirabî vînenî û wazenê ke wa bêrê vindetene. Qet çîyêk nêeşkeno bibo sebebê binpaykerdişê sînorî û zirardayîşê merdimanê bêsûcan.''

YNKyî veng da hukmatê Iraqî ke wa semedê pawitişê sînoranê Herêma Kurdîstanî û Iraqî heqanê qanûnê bingeyênî bişuxulnê.