Merkezê Îrtîbatî û Çapemenîye yê YRKyî bi eşkerayîyêke da zanayene ke 2 gerîlayê înan netîceya hêrişanê dewleta tirke ya îşxalkere de herêma Pêncewînî de şehîd bîyê.

Eşkerayîye wina ya:

''3yê kanûna 2023yî de netîceya hêrişêkê hewayî yê dewleta tirke ya îşxalkere de herêma Pêncewînî de embaza ma Aryene Arêya ke fermandaranê HPJyî ra bîya û embaze Êrîş Berxwedan şehîd bîyî.

Nasnameyê embazanê ma yê şehîdan wina yê:

Name û Peyname: Zeynepe Eyverî

Nameyê Qodî: Aryen Arê

Ca û Tarîxê Beşdarbîyayîşî: 2006- Selmas

Tarîx û Cayê Şehadetî: 3yê Kanûna 2023yî- Pêncewîn

Name û Peyname: Sadiq Şêx Ehmed

Nameyê Qodî: Êrîş Berxwedan

Ca û Tarîxê Beşdarbîyayîşî: 2016- Kobanê

Tarîx û Cayê Şehadetî: 3yê Kanûna 2023yî- Pêncewîn

Ma şarê xo yê welatperwerî û keyeyanê şehîdanê ma yê ercîyayeyan rê serweşîye wazenê. Ma do qetî cewab bidê hêrişanê dişmenî yê namerdan û têkoşînê xo war nêverdê.

Fermandara ma ya ercîyaye Aryene Arê vera zulmê rejîmê Îranî mîyanê gerîlayan de dest pê têkoşînî kerd. Aye 2006 de Selmasî ra verê xo da koyan. Embaza ma Aryene xeylêk waranê Rojhelatê Kurdîstanî de fermandarîya HPJyî kerde. Embaza ma Aryene heta şehadetê xo nêvinderte. Ma do wayîrê xeyal û armancanê aye vejîyê û têkoşînê ci berz bikerê.

Embazê ma Êrîş Berxwedano ke ewladê şarê Kobanê yo, 2016 de tewrê gerîlayanê azadîye bi. Embaz Êrîşî cade verê xo da koyanê Rojhelatê Kurdîstanî û bi fedayîtîya xo zerrîya embazanê xo yê têkoşînî weş kerde. Embaz Êrîşî xo felsefeya Rayberîye de aver berd. Ey bi ruhê xo yê ciwanî rindî û metodê têkoşînî musnayî ma. Ma do seba xeyalanê ey tim têkoşîn bikerê.''