Merkezê Çapemenîye yê Yewinanê Pawitişî yê Rojhelatê Kurdîstanî (YRK) da zanayene ke Endama Yewinanê Pawitişê Cinîyan ê Rojhelatê Kurdîstanî (HPJ) Rûkene Jîyan (Sena Mayuf) şehîd bîya.

Eşkerayîya YRKyî bi kilmî wina ya:

''1ê temmuza 2022yî embaza ma Rûkene Jîyan netîceya qezayêkî de şehîd bîye. Şehadetê embaze Rûkene ma zaf xemgîn kerdî. Sere de keyeyê aye yê ercîyayeyî rê ma pêro şarê xo yê welatperwerî rê serweşîye wazenê.

Nasnameyê embaza ma wina yo:

Name û Peyname: Sena Mayuf

Nameyê Qodî: Rûkene Jiyan

Tarîx û Cayê Tewrbîyayîşî: 2016 / Qamişlo

Tarîx û Cayê Şehadetî: 01.07.2022 / Şaho

Embaze Rûkena ke ereb a, Rojawan de Tirbêsipî de dadîya xo ra bena û Şorişê Rojawanî ra dima sey cinîyêka erebe ya rûmetêne tewra gerîlayan bena. Embaze Rûkene xo rê esas kena ke biba milîtanêka marîfetîne ya îdeolojîya Rayber Apoyî. A 2018 de verê xo dana koyanê Rojhelatê Kurdîstanî û waştişê xo ser o koyanê Şahoyî de têkoşîn kena. A vera îşxalê Kurdîstanî bi xorinî û eşqî têkoşîn kena, raştîya dişmenî hol fam kena. Şehadetê aye hêrsê ma yê vera dişmenî zaf zêdîna û hîsê ma yê qesasî kerd pîlêr. Ma sey YRKyî îfade kenê ke do rayîrê aye de şorê û armancanê şehîdan bîyarê ca.''