Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de eşkerayîyêke daye. Eşkerayîye wina ya:

''Herêma Şehîd Delîlî ya Rojawanê Zapî

24ê nîsane de Warê Xoverdayîşî yê Girê Cûdîyî de îşxalkerî ameyî cezakerdene.

25ê nîsane de Warê Xoverdayîşî yê Girê Amedîyê de hêzanê ma yê YJA-Starî da îşxalkeran ro û 1 îşxalker ceza kerd.

Herêma Metîna

Ma derheqê hêrişanê vera Metîna de agahîyê verênî dabî. Nika artêşa îşxalkere waranê Şêlazê, Kanîreş û Yekmalê dana bombayan ver. Hêzê PDKyî de mabênê Yekmal û Girê Amedîyê de rayîran gêbê. Nê rayîran ra leşkerê tirkî verê xo danê waranê ma.

Hêrişê artêşa îşxalkere

24-25ê nîsane de warê Dergelê, Şêlazê, Serê Metîna, Bêşîlî, Golka yê Metîna; Warê Xoverdayîşî yê Girê Biharî yê Zapî; warê Bêpalanî yê Qendîlî; warê Lolanî yê Xakurkê dîyayî bombayan ver.

Hêzanê PDKyî xîret kerd ke bi 60 konvoyan bikewê noqtaya gerîlayan

23yê nîsane de warê Berdespî yê Xakurkê de hêzanê PDKyî bi 60 konvoyan xîret kerd ke bikewê noqtaya ma yê warê Berdesipî yê Xakurkê. Vera ney hêzanê ma seba hişyarkerdişî guleyî eştî, dima pêkewtişî qewimîyayî û hêzê PDKyî agêrayî.

Heman hêzî warê Goşinî de zî bi 6 wesayîtî kewtî de û guleyanê hişyarkerdişî yê hêzanê ma ser o apey şîyî.

Nê wird waran de zî têgêrayîşê teyarayanê artêşa tirke giran bîyî û dima ke hêzê PDKyî şîyî helîkopteran warî dayî bombayan ver. La bombardumanan de zerarêk nêresa hêzanê ma ser.''