Komeleya Huqûqnasan a Seba Azadîye (OHD) û Komeleya Hetkarîya bi Keyeyanê Tepişteyan û Hukmwerdeyan (TUAYDER) binpaykerdişê zîndananê Amedî kerdî rapor.

Rapor de qala nê binpaykerdişan ameye kerdene:

-Dekewtişê zîndanan de cigêrayîşo rût esto, karantînaya bi 15 rojan yena ferzkerdene, hewcedarîyê esasî nênê peydakerdene, tedbîrê hîjyenî nênê caardene û pêvînayîşê telefon û avûkatan ra ber tecrîd esto.

-Kitab, TV ûsn çin ê

-Aktîvîteyê zereyî bi kêmî yenê kerdene, aktîvîteyê sey tîyatro, sînema ûsn. nênê kerdene

-Pêvînayîşê akerdeyî, waştişê sewqî yenê redkerdene. Surgunê keyfîyî qewimîyenê

-Qerarê înfazî erey yenê teblîxkerdene la cezayê dîsîplînî û xerakerdişê înfazî cade yenê teblîxkerdene.

-Pê kerdişanê keyfîyan înfazî yenê xerakerdene

-Bê pêvînayîşê îdareyî meseleyêka asane zî nêna çareserkerdnee

-Tepişteyî nênê tiraşkerdene

-Faturayê ceyranî zaf yenê û tepişteyan ra pereyê ci yeno girewtene
-Şitişê kincan kêm yeno kerdene

-Cewab nêdîyeno waştişnameyan

-Personelê zîndanî pê tepişteyan heqaret kenê

Dewamê raporî de dîya zanayene ke gereka vera nê binpaykerdişan nê tedbîrî bêrê girewtene:

-Gereka tepişteyê nêweşî bêrê veradayene

-Tepişteyê 60 serre ra pîlêrî ganî çarçewa tedbîranê vîrusê Korona de bêrê veradayene

-Personelê zîndanan gereka verî ke tepişteyan de temas bikerê tedbîranê vera Korona bigêrê

-Tepişteyî pê wesayîtê rîngî nê pê wesayîtêkê hîjyenîkî şorê nêweşxane û revîran

-Warê pêvînayîşan de tedbîrê hîjyenî wa bêrê girewtene

-Aktîvîteyê sosyalî çarçewa tedbiranê vera Korona de bêrê kerdene

-Mazlemeyê hîjyenî wa bêrê dayene tepişteyan

-Wa Wezîrîya Edaletî û Komîsyonê Heqanê Merdiman ê TBMMyî vera binpaykerdişanê heqanê tepişteyan wezîfeyê xo bikerê.