23ê teşrîna peyêne de bombardumanê dewleta tirke ya îşxalkere de Kampa Holî de 6 şerwanê QSDyî şehîd bibî. 5 şehîdî Til Hemis û yew şehîd zî Şedad de pê merasîman ameyî definkerdene.

Til Hemis de û dewanê ci de seba şerwananê QSDyî Hisên Ehmed Dawûd (Lorens Metlûte), Fehid Racid Hedmol (Siwar Xasan), Ebdulcelil Baha Mihemed (Jiwan Hol) û Newaf Fewaz Xelil (Elişêr) û şerwanê Asayîşê Zereyî Selmo Mihemed Dehamo ke 22yê teşrîna peyêne de Dêrik de şehîd bibi, merasîmêk ame kerdene.

Merasîm de fermandaranê QSDyî ra Xalid Îsayî, Endamê Meclîsê Keyeyanê Şehîdan ê Til Hemisî Hemze Ehmed û Endamê Akademîyanê Komelê Demokratîkî yê Til Hemisî Ebdulselam Casimî qisey kerd û keyeyanê şehîdan rê serweşîye waşte. Qiseykerdişan de ame vatene ke xêrê fedakarîya şehîdan ra emperyalîz ame binvistene û ê do qetî erdê xo ra fek vera medê.

Qiseykerdişan ra dima şehadetnameyî ameyî dayene keyeyanê şehîdan û 5 şehîdî pê tîlîlîyan ameyî definkerdene.

Şedad de zî şehîdê QSDyî Etîye El Dewas Şehîdgehê Şedadî de bi merasîmêkî ame oxirkerdene. Nameyê Meclîsê Keyeyanê Şehîdan ser o Zehra El Ehmed qisey kerd û pare kerd ke QSD hêz dano şarî. Merasîmî ra dima cenazaya şehîdî pê sloganan ameye definkerdene.