Fermandarîya Yewîyanê Pawitişî ya Cinîyan (YPJ) derheqê çar şervananê xo de ke şehîd bîyî de eşkerayîye daye. Eşkerayîye wina ya:

''Adirê şorişî ke tarîtîya dewrî werte ra wedarit, serkêşîya şervananê cinîyan de xerîtaya azadîye ya komelan roşn kerde. Inkey YPJ bêmabên semedê azadîya ma şer keno.  No têkoşînê vera serdestîya camêrdan her roje bi hewayêkê biheybetî girdêr beno.Netîceya na dewaya bimbareke de xeylêk embezê ma yê erjîyayeyî dinyaya xo bedilnenê.

Hemrayê ma  Hesina Mûsa Mihemmed (Avaşîne Cûdî), Hîba Abdulqadir Bekir (Hîba Hesekê), Bêrîvane Abdil Xelef (Bêrîvane Hesekê) û Emîne Nebo Silêman (Dilare Kobanê) bi ruhê bimbarekî semedê azadîya şarê xo keda pîle daye û 27ê temmuze de wezîfeyê xo ser netîceya qezayî de şehîd bîyî.

Hemraya ma Avaşîne Hesekê ya ke keyeyêkê welatperwerî yê Hesekê de bîye pîle, YXKyo ke yewîyanê pawitişanê verênan ra yo, tede ca girewt. Eynî wextî de endamanê verênen ê YPJ yê Hesekê ya. Hemleyanê xelisnayîşî de ca giewt  û heme cepheyanê şerî yê Hesekê, Til Temîr û Derazorî de vera DAÎŞî şer kerd.

Hemraya ma Hîba Hesekê ya ke xo sey berpirsîyara heme wezîfeyan dîyêne,  Hesekê de bi kulturê welaperwerîye bîye pîl. Birayêkê ci zî sefanê azadîye de yo. Aye zî verê xo da sefanê ma û semedê azadîya şarê xo keda pîle daye.

Hemraya ma Bêrîvane Hesekê zî keyeyêkê welatperwerî yê Hesekê de bîye pîl, binê tesîrê şehadetê birayê xo de mende û tewrê sefanê azadîye bîye. Hemra Bêrîvane bi heme enerjîya xo tewrê xebatan bîye û semedê caardişê waştişanê şehîdan kede daye.

Hemra ma Dîlare Kobanê ya ke Kobanê de bi kulturê welatperwerîye biye pîl, bado ke waya ci refanê azadîye de şehîd biye, seba ke têkoşînê ci bidê domnayene verê xo da refanê azadîye. Hemraya ma Dîlare semedê azadîya şar û herra xo bi azmê pîlî şer kerd.

Ma sere de keyeyanê erjîyayeyan ê hemrayanê xo rê, heme  şarê xo yê welatperwerî rê serweşîye wazenê. Ma do sey YPJyî têkoşînî xurtêr bikerê û waştişê şehîdan bîyarê ca."