Îdareyê Xoserî yê Rojawanî derheqê ''Kongreya Dîyalogê Neteweyî ya Sûrîye'' ya ke Şam de ameye kerdene de eşkerayîye daye. Eşkerayîya ra qismêk wina yo.

''Şarê Sûrîye rijyayîşê rejîmê Baasî ra dima tim wazenê wa Sûrîyeya yewbîyaye bêro înşakerdene û kongreya netweyî zî hedefê ci yo. La îdareyo demdemî yê Sûrîye waştişê şarî nêard ca. Ganî semedê nê dîyalogî verî komîteyêka yewbîyaye  biameyêne ronayene û dima ra kesê ke tewrê kongre benê nînan ser o munaqeşe biameyêne kerdene. La kongre sey waştişê şarî nêameye kerdene. Eşkerayîyî zî ziwanê dîyalogî ra dûrî bê.

Na kongre şarê Sûrîye temsîl nêkena. Ma parçeyêkê Sûrîye yê û nînê temsîlkerdene, ma muhtewaya na kongre ra keyfweş nîyê û ma do parçeyêkê caardişê netîceyanê ci nêbê. Ma reyna waştişê xo yê organîzekerdişê kongreyêka raşte ya ke heme şaranê Sûrîye temsîs kena, anê ziwan. Ma soz danê ke ma do layiqê bedelanê xo bê, semedê caardişê hêvî û waştişanê şarê xo û averberdişê şorişê xo cehdkerdişanê xo bidomnê.''