Îşxalkeran Efrîn de di domanî remnayî
Dewleta tirke ya îşxalkere Efrîn de di domanî remnayî û keyeyanê înan ra fîdye waşte.
Efrînê îşxalkerdeyî de sûcê dewleta tirke û cerganê ci dewam kenê.
Cerganê dewleta tirke 27ê adare de dewa Çavkanîyan a Şêrawa de di domanî Zeynebe Elî Xelîl (7) û Îbrahîm Ehmed Îbrahîm (9) remnayî.
Cergan seba ke domanan vera bidê keyeyanê domanan ra fîdye waşte. Aqîbetê domanan nêzanîyeno.
Dewleta tirke dewa Qîbare ya Şêrawa de 29ê adare de kesê bi nameyê Ebdo Semîr Necarî remnabi.
