Bombarduman goreyê wextê herême saete 11:00 de dest pêkerd. Dewleta tirke ya îşxalkere dewanê Meranazê, Şiwarxa, Kela Şiwarxa, Îrşadîyê, Tat Meraş û Til Acarî ya Şera ser o bombayî varnayî. Ama parekerdene ke herême de bombardumanêko giran ame kerdene.

Dewleta tirke hema hema her roje herêmanê Rojawanî ser o bombayan varnena. Bi taybetî zî hêrişê waranê sivîlan kena.

Şanê 21ê çeleyî dewê Tat Meraş, Kefer Antûn, Til Ecar, Şiwarxa û Îrşadiyê yê Şera ameyî bombavarnayene.

Heman wextî de bi topan dewê Endeqnê, Bêlûniyê û Semûqa yê Şehba zî ameyî bombavarnayene.

Heman roje nêmroje ra dima dewê Meranaz, Malikiyê û Şiwarxa yê Şera zî bîyî hedefê bombardumanî.

21ê çeleyî de saeta mabênê 15:00-16:00 de tay herêmê rojhelatê Eyn Îsayî û ambara genimî ya Cehebelê ameyî bombavarnayene.

20ê çeleyî saet 19:00 de dewê Eyn Deqna û Semoqiyê yê Şehba ameyî bombavarnayene.
Heman roje nêmroje dewê Meranaz, Malikiyê, Şiwarxa, Kela Şiwarxa û Alqemiye yê Şera ya Efrînî hetê dewleta tirke ya îşxalkere ra ameyî bombavarnayene.