Goreyê zanayîşanê ke ameyî girewtenê vizêr 9 tepişteyî zîndanê merkezê bajarî yo ke binê kotrolê çeteyanê dewleta tirke de yo ra remayî. Dima ra çeteyan dewa Bedîhî dest pê operasyonî kerd û mabênê dewijan û çeteyan pêrodayîş vejîya.

Çeteyanê Cephe El Şamiya yê ke pabesteyê dewleta tirke yê eşt keyeyan ser û waşt ke cinîyî zî tede xeylêk sivîlan biremnê. Vera naye dewijî wirîştê lingan ser û vera çeteyan dest pê çalakîyan kerd.

Cinî, camêrd, qic, pîl bi seyan kesî kewtî kuçeyan û vera çeteyan sere wedarit. Şar waşt ke wa sivîlê ke ameyî remnayene bêrê veradayene. Seba ke leşkeranê tirkî no qebûl nêkerd şar verê bêrê sînorî de ame pêser û panzerê artêşa îşxalkere eştî kuçan ver û bi sloganan waşt ke îşxalkerî erdê înan ra vejî.