Şarê Rojawanê Kurdîstanî şehîdê nîsane û Qereçoxî yad kerdî û vat: ''Ma do heta serkewtişî û xelisnayîşê herêmanê îşxalkerdeyan rêçê şehîdanê xo teqîb bikerê.''

Tebqa de Meclîsê Keyeyanê Şehîdan goristanê şehîdan de yadkerdişêk kerd. Yadkerdiş de Şêwirmendê Xoserîya Demokratîke ya Kantonê Tebqa Mazlûm Yûsivî pêro şehîdî yad kerdî û soz da ke ê do têkoşîn û xoverdayîşê şehîdan teqîb bikerê. Şarî goranê şehîdan ser de findî tavistî û dima derheqê şehîdan de sînevîzyonêk seyr kerd.

Kobanê de Meclîsê Keyeyanê Şehîdan bi beşdarîya wendekaranê Zanîngehê Kobanê Goristanê Şehîde Dîcle de eşkerayîyêke daye. Eşkerayîye de ame parekerdene ke xêrê têkoşînê şehîdan ra kurdî destkewteyî vistê destî. Yadkerdiş bi slogananê sey “Şehîd namirin” û “Berxwedan jiyan e” qedîya.

Heleb de Meclîsê Keyeyanê Şehîdan eşkerayîyêke daye. Eşkerayîye de ame parekerdene ke kurdî do heta serkewtişî û xelisnayîşê herêmanê îşxalkerdeyan rêçê şehîdanê xo teqîb bikerê.