Şervananê QSDyî yê  cepheyê Eyn Îsayî ra  Mazlûm, Zinar û  Alanî ANFyî rê qisey kerd. Şervanan ard ziwan ke hêrişê dewleta tirke ya îşxalkere 2019î ra nata vera herême dewam kenê û vat ê her şertî de vera her qeyde hêrişan amede yê.

Mazlûm Girê Spî: Hêrişê dewleta tirke xora tim bibî, çirey nêvîndetî.Inkey reyna erdî ra hêrişê îşxalî tehdît kenê. Ma sey şervananê QSDyî vera her qeyde hêrişan amede yê. Ma 2014î ra heta 2019î vera DAÎŞî têkoşîn kerd û serkewtî. Ma do dewleta tirke zî sey DAÎŞî bin bifînê.

Zinar Girê Spî: Dewleta tirke her rey vana ma hêriş kenê. Ma sey şervananê QSDyî cepheyê Eyn Îsayî de semedê cewabdayîşî amade yê. Dewleta tirke vana qey sey sey hêrişanê îşxalî yê verênan beno. Ma nê sozî danê şarê xo; ma senî ke DAÎŞ bin fîna, ma do dewleta tirke zî bin bifînê.

Alan Girê Spî: Dewleta tirke bi serran o hêrişê herra ma kena. Belka tay cayî îşxal kerdî. Nê rojanê peyênan de reyna tehdîtanê îşxalî kena. Kena ke îşxalî vila bikero. Di hewteyanê peyênan de hêrişê îşxalî zafêr bîyî. Ewro serê sibayî zî obusî erzîyayî Eyn Îsayî. Wa her kes nê hole bizano; narey do zaf cîya bo. Na herre sey DAÎŞî do dewleta tirke zî bibo meze