Dewleta tirke ya îşxalkere 8ê kanûna 2024î ra nata bi hawayêkê sîstematîkî Awbendê Tişrînî û Pirdê Qereqozaxî dana bombayan ver. Şerwanê QSDyî vera hêrişanê dewleta tirke yê serê Awbendê Tişrînî bi rojan o xo ver danê. Şerwanan derheqê babete de ajansê ma rê qisey kerd.

Şerwan Rojhat Amedî pare kerd ke ê roja verêne ra nata vera hêrişan Tişrîn de xo ver danê û vat: ''Moralê embazan berz o, deyîrî hê vajîyenê, govende gêrîyena, sloganî vajîyenê û dişmen verê hêrişan de şikîyeno. Dişmen tîya de bim kewt. Heta ke şarê ma hetê ma de bibo ma do xo ver bidê.''

Şerwanê efrînijî Hemze Şîrazî îfade kerd ke bi desan rojan o ê Tişrîn de xo ver danê û vat: ''Rixmê zorî û zehmetîyan zî xoverdayîş û têkoşînê ma bihêz ê.''

Şerwanê bi nameyê Rojhatî vat: ''Ma do firsend nêdê dişmenî û sereyê xo nêarê war. Bawerî û moralê ma berz ê. Bi taybetî xoverdayîşê şarî moralêkê pîlî dano ma. Ma bi şarê xo est ê.''