Fermandaranê QSDyî Akîf Hesekê ard ziwan ke hêrişanê dewleta tirke û cerganê aye yê vera  Rojawanî de  destkewteyê kurdan zî tede destkewteyê hemparî yê şaranê herême hedef de yê û vat xoverdayîşê şarî û şerwanan dewam keno.

Heskêyî vat: "Bi xoverdayîşî hedefê QSDyî no yo ke çarçewa xopawitişê meşrûyî de îşxal biqednê û herême dewleta tirke û cergan ra pakî bikê. Helbet şarê herême reyde ma do îşxal çin bikê. Armancê dewleta tirke çinkerdişê têkoşînê ma yo. Bi nê hêrişan îşxalkerî armanc kenê ke kantonanê Cizîrî û Kobanê yewbînan ra cîya bikê, rayîrê M4î bivisnê destî. Taktîkê înan zî 'parçe bike, hêrişê ci bike û îşxal bike' yo. Îşxalê Rojawanî yo ke 9ê teşrîna verêne de dest pêkerd komployê vera Rayberîye bi. Hêrişanê vera Serêkanîyê û Girê Sipî de hedefo verên rayîrê M4î yo. Çunke M4 rayîrêko stratejîk û girîng o.

Ma sey QSD îşxal û hêrişanê ke dewam kenê qebul nêkenê. Tewirê ma no yo ke îşxal erdê xo ser o wedarê û wayîrê destkewteyanê xo bivejîyê. Nê prosesî de hêriş bi taktîkan amebi vindertene zî ma pêro zanenê ke hêrişê vera herême hema zî dewam kenê. Dewleta tirke amadekarîya xo kena ke hetê psîkolojîkî ra zî Vakur û Rojhelatê Sûrîye de şerêkê taybetî bida destpêkerdene, dewleta tirke wazena herême de DAÎŞ ganî bika. Helbet têkoşîn û xoverdayîşê ma bi taktîk û planan do dewam bikê. Ma reyna vanê hedef têna destkewteyê kurdan nîyo. Hedef îradeyê şarî yo. Armancê ma no yo ke xoverdayîşê ma reyde ma sey QSDyî  bi pawitişê meşrûyî îşxal biqêdnê. Şarê herême reyde ma do îşxal biqêdnê