Rêxistina Heqanê Merdiman a Herêma Efrînî bîlançoya menga êlule ya terorê dewleta tirke Kampa Serdemî ya Şehba de eşkera kerde.

Rêxistine eşkerayîya xo de da zanayene ke dewleta tirke û cergî îşkence, teda, zorbazî û remnayîşan dewam kenê. Ame parekerdene ke cergê dewleta tirke daristanan vêşnenê, zeytunêran vêşnenê û birnenê.

Bîlançoya menga êlule wina ya:

-2 sivîlî kişîyayî ke înan ra yew domano 9 menge yo.

-84 hemwelatîyî ameyî remnayene, 14ê înan bi fîdye vera dîyayî.

-3 domanê kênayî bi zorî ameyî zewijnayene.

-Tewr tay 700 zeytunêrî birîyayî.

-4 eserê tarîxîyî ameyî wêrankerdene.

-Demografîya herême yena vurnayene, nameyê bajarekê Meydanke ame vurnayene bi  Ertxerl.

-Malê kurdan yenê diznayene û roşene. Roniştoxan ra xerec yeno girewtene.

Eşkerayîye de ame vatene ke roniştoxanê Efrînî teda û zulmê dewleta tirke ra koçê Şehba kerd la dewleta tirke tim Şehba ser o bombayan varnena. Rêxistine eşkera kerd ke dewleta tirke û cerganê ci menga êlule de 377 reyî bi obus, hawan û çekanê giranan hêrişê kantonê Şehba û qezayanê ci Şera û Şêrawa kerd.