Cinîya koçbere seba domanê xo yê astengdarî veng da

Xedîcê Xemis Yunisa ke îşxalê dewleta tirke yê vera Rojawanî de neçare mende ke koç bikera hem vera şertanê zoran ê zimistanî xo ver dana hem zî miqatê lajê xo yê astengdarî bena.

Keyeyê ke îşxalê dewleta tirke yê vera Rojawanî de neçare mendî ke koç bikê Kampa Waşokanî de manenê. Tay keyeyê kampî mîyanê şert û mercanê koçberîye de kenê ke biciwîyê tayê keyeyî zî xîret kenê ke miqatê domananê xo bibê û dermanê înan peyda bikerê. Rêxistinê mîyanneteweyî zorîyanê ke koçberî ancenê pey goş kenê.

Kampe de 6 hezar û 600 koçberî manenê. Hewcedarîyê kampe hetê Heyva Sor û Îdareyê Xoserî ra yenê peydakerdene.Xedicê Xemis Yunisa ke dewa Xemsê ya Til Temirî ra ya Kampa Waşokanî de manena. Xedicê ard ziwan ke a neçare mende ke koç bikera û nika zî mîyanê şert û mercanê zoran de ciwîyena. Xedicê da zanayene ke lajê aye Milad Casim El Kerî astengdar o û naye ra zorîya aye dibare bena.

Xedicê Xemis Yunis vat: "Lajê mi wexto ke ame dinya xeletîyêka tibî ra felç bî. Naye ra ge ge dest û lîngê ci nêpişenê dê."Xedicê venga rêxistinanê mîyanneteweyîyan da ke hetkarîya koçberan bikerê û dermanan bierşawê.Îşxalê dewleta tirke yê vera Rojawanî dewam keno. Heta nika hêrişan de bi seyan sivîlî ameyî qetilkerdene, bi se hezaran kesî birîndar bîyî û bi se hezaran kesî zî neçare mendî ke koçê herêmanê ke binê kontrolê QSDyî de yê bikerê.