Kantonê Kobanê de bi armancê şermezarkerdişê tecrîdê vera Rayberê Şarê Kurdî Abdullah Ocalanî çalakîya xeyme dîyaye destpêkerdene. Çalakîya xeyme Meydanê Şehîd Egîdî de serkêşîya Ciwananê Şorişgêran û Yewîya Cinîyan ê Ciwanan de dîyaye destpêkerdene û xeylêk dezgeh û endamanê Îdareyê Xoserî de paştî daye çalakîye.

Çalakîya xeyme bi deqayêkê rêzgirewtişî dest pêkerd. Îdareyê Ciwananê Şorişgêran ê Herêma Firatî ra Hebûn Mihemedî qisey kerd û vat: ''Ma vera tecrîdê Îmraliyî û seba azadîya Rayber Apoyî xoverdayîş û têkoşînî rê dewam bikerê. Ma sey ciwananê serkêşan destê ma ra çi bêro bikerê.''

Endamê Heyetê Meclîsê Îdareyî Ehmed Xoceyî zî pare kerd Abdullah Ocalanî seba azadî û nasnameyê kurdan zaf têkoşîn kerd û ganî kurdî zî seba azadîya ey têkoşîn bikerê.

Çalakîya xeyme di rojan do dewam bikera.