Meclîsê Ciwanan ê DEM Partî bi wesîleya rojbîyayîşê 76inî yê Rayber Apoyî bi şîarê ‘’Ma bi Komelê Demokratîkî ver bi Amara şinê’’ rayraşîyayîşêk Amedî ra ver bi Amara da destpêkerdene. Ciwanê ke seba rojbîyayîşê Rayber Apoyî Amedî ra ver bi Amara şonê înan ajansê ma rê qisey kerd.

Fûlya Taştan: Sey ciwanan ma seba Rayberê xo kewtî rayîr. Ma do heta Amara şorê. Tek waştişê ma azadîya Rayber Apoyî ya. Seba azadîya Rayberîye ma do erkê xo bîyarê ca.

Can Polat Guran: Her çî ra ver rayraşîyayîşê ma seba Rayber Apoyî yo. Ma seba azadîya Rayberîye şinê. Ma paştî danê vengdayîşê Rayber Apoyî. Rixmê astengîyan zî rayraşîyayîşê ma dewam keno.

Avesta Ateş: Seba şîyayîşê Amara ez bi kelecan a. Proseso ke Rayber Apoyî dayo destpêkerdene seba ma zaf girîng o. Ma hêvî kenê ke Rayberê ma azad bibo. Ma ver bi Azadî û Amara şinê.