Bêrîtane (Gulanze Karataş) ya ke 25ê teşrîna verêna 1992yî de Şerê Başûr de vera hemkarîye û îxanetî heta guleyê xo yê peyênî  şer kerd û vera teslîmîyetî xo kaşî ra eşt war hetê ciwananê Tebqa, Kobanê û Minbicî ra ameyî vîrardene.

Minbic de Meydanê El Sae de ciwanan mûmî tafînayî û şexsê Şehîde Bêrîtane de hemê şehîdî yad kerdî. Qiseykerdişî de ame vatene ke ê do xeta Bêrîtane de têkoşîn bikerê. Dima ra derheqê têkoşînê Bêrîtane de sînevîzyon am seyrkerdene.

Kobanê de zî Şehîdgehê Şehîd Dîcle de serê mezalan de mûmî ameyî tafînayene û Şehîde Bêrîtane ameye vîrardene.

Tebqa de zî hetê Tevgera Ciwanên Şoreşger û Yekîtiya Jinên Ciwanî ra derheqê Bêrîtane de sînevîzyonêk ame ramojnayene. Ciwananê ke semedê selamkerdişê têkoşînê gerîlayan adirî ra PKK nuşt pê rayraşîyayîşêkî hêrişê kîmyewîyî yê dewleta tirke yê vera gerîlayan şermezar kerdî.