Dewleta tirke ya îşxalkere û çeteyanê ci qezaya Til Rifetî ya Şehba de nêweşxane da bombaya ver. Komîteya Weşîye ya Kantonê Efrîn û Şehba da zanayene ke netîceya hêrişî de. 2ê înan bi giranî, 4 sîvîlî birîndar bîyî.

Komîte da zanayene ke hêrişê dewleta tirke yê vera Şehba zêdîyayî, herême bi droneyanê çekdaran, tanq û hevanan dîyena bombayan ver. Eşkerayîye de ame avatene ke hêrişê peyênî yê vera nêweşxaneyê Til Rifetî de yewê înan xebatkarê weşîye 4 kesî birîndar bîyî.

Nameyê birîndaran wina yê: Muxlês Ehmed Nasan (25), Abdullah Abdulrehman Murad (40), Mihemed Hemîd (45), Mustefa Hesen (27). Komîte vat rewşa di birîndaran giran a.

Komîte vera hêrişan hêrsê xo ard ziwan û veng da û komelê mîyannteweyî ke wa hêrişanê dewleta tirke yê vera herême bidê vindarnayene.