Dewleta tirke ya îşxalkere bombardumananê vera waranê sivîlan rê dewam kena. Heta nika bi hezaran hawan, obus û topî erzîyayî Rojawanî.

Dewleta îşxalkere qezaya Ehrezî ya Şehba de keyeyê şarî kerdî hedef. Netîceya bombardumanî de zeraro madî qewimîya.

Efrîn de dewa Elqeimîyê ya Şera dîyena bombayan ver. Detayê bombardumanî hema nêzanîyenê.

Dewleta tirke ya îşxalkere dewa Um El Kêfî ya Til Temir, dewa Seyda û kampê Eyn Îsayî, dewa Bênê ya Şêrawa dayî bombayan ver.

Dewleta îşxalkere nika hêrişê dewanê Zuhêrîyê û Xirab Reşkî yê Dêrikî kena.

Bîlançoya 24 saetanê peyênan

 Dewleta tirke ya îşxalkere cerganê xo reyde nê 24 saetanê peyênan de dewê qezaya Şera û Şêrawa yê Efrînî, Kampa Şehba bi giranî dayî bomayan ver.

Şehba de 12 dewî dîyayî bombayan ver. Nê cayî bîyî hedefê bombardumanan:

Til Rifêt: Zîwan, Semûqa, Meydanê Teyarayan ê Minixî, Bêlûniyê, Til Cîran, Til Enab, Şêx Îsa, Eyn Deqnê, Um Hoş, Nêrebiyê, Ehrez.

Şêrawa: Dêr Cimêl, Meyasê, Soxanekê, Qinêtirê, Bênê, dormeyê Bênê.

Şera: Malikiyê, Elqemiyê, Tat Maraş, Merenaz, Tinip, Îrşadiyê, depoyê Şewarxa û kelaya Şewerxa.

Dewleta tirke ha dewa Yalinlî ya Minbicî zî dana bombayan ver.

Dewleta tirke nê cayî 795 reyî ppê hawan, obus û topanê tankî dayî bombayan ver.

Herême ser o têgêrayîşê teyarayanê keşfî û bombardumanî dewam kenê.