Kantonê Efrînî de ke binê îşxalê dewleta tirke de yo, sûcê vera merdimatîye û sûcê şerî dewam kenê. Vervatoxê Rêxistina Heqanê Merdiman a Sûrîye-Efrînî Îbrahîm Şêxoyî derheqê babete de ANHA rê qisey kerd.

Şêxoyî vist vîrî ke dewleta tirke Efrîn de cergê xo cakerdê û nê cergî her hawayî sûcan kenê. Şêxoyî vat: ''Cergî merdiman remnenê, qetil kenê, şantaj kenê, xoza vêşnenê, daran birnenê û demografîya herême vurnenê. Teşrîna verêne de 2yê ci cinîyî cergan 20 kesî remnayî. Cergî dest nanê zeytûnêranê şarî.''

Şêxoyî bale ante ser ke dewleta tirke cergê Heyet Tehrîr El Şam (El Nusra yo verên) ardê Efrînî û vat: ''Cergan şarî rê bacî ferz kerd û xesadê zeytûnan ra seke xerac gênê bacî wazenê. Heyet Tehrîr El Şam û cerganê bînan wekaletê roniştoxanê ke bi zorî dîyayê koçkerdene, betal kerdî.''